
De stichting Ter Klinke hef van 2 t/m 8 september 2024 op de nes bij de kerk van Zweel heur twiede streekproduct, muziektheaterspektakel De Vlinderprinses, ten oetvoer bracht. Op 17 november was de theatervoorstelling van De Vlinderprinses tiedens een matinee in theater De Tamboer in Hoogeveen. In totaal 7000 meènschen hebt de veurstellings zien.
Wij bint gloepens bliede met het resultaat dat nao een veurbereiding van veer jaor under verantwoordelijkheid van het bestuur deur artististieke leiding, productieleiding, speulers, zangers, muzikanten, commissies en talloze vrijwilligers realiseerd is.
Um een indruk te geven hoeveul meènschen betrökken waren bij dizze productie:
- Roem 130 zangers en tenielspelers, waorvan een groot diel lid is van 31 culturele verenigingen in Hesseln, Slien en Zweel en roeme umgeving.
- 34 kinder van basisschoelen in de regio die met bint gaon doen nao een prachtig schoelenproject.
- 55 leden van de fanfare van muziekvereniging Excelsior oet Hesseln, 10 toegevoegde muzikanten en een popband.
- 20 figuranten met oldtimers en attributen en met peerde.
- 30 commissieleden, verdield over 7 commissies.
- 10 professionals op het gebied van zang, teniel, muziek en decor.
- 125 vrijwilligers: helpers bij het realiseren van de speullocatie makers van kleding en attributen, decorbouwers, of in de bediening in de consumptietent, maar ook verkeersregelaars en begeleiders.
Zunder al dizze meènschen en de metwarking van veul bedrieven en instanties en de bijdragen van financiers en sponsoren was dit project moeilijk te realiseren west.
En dan de oetverkochte tribunes en de talloze positieve reacties van het publiek. Het was in ien woord fantastisch.
Culturele couraozie hef opnei leid tot culturele dieverdaotsie en een ongekende mandieligheid.
BINT DE DOELSTELLINGS VAN HET PROJECTPLAN VAN DE VLINDERPRINSES HAALD?
1. Het vergroten van de participatie van regionale koren en tonielverienigingen is realiseerd. Leden van roem verienigings hebt met daon as zanger of tenielspeuler. Daornaost hef een complete fanfare met daon. Der is een vörm van samenwarking ontstaon en nao het muziektheaterspektakel bint meerdere dielnemers toetreden tot zangverienigings. Ok paste het muziektheaterspektakel in de trend van projectmatige activiteiten. Meerdere dielnimmers hebt met doen of doet kommende tied met in aandere projecten.
2. De Drentstalige productie hef bevorderend warkt op oetingen (mondeling en schriftelijk) in de streektaol en hef leid tot een groter historisch besef met belangstelling oeze leefumgeving in Drenthe. Het schoelenproject op de basisscholen in Aalden hef daoran metwarkt. Ok de actuele website www.vlinderprinses.nl hef een belangrieke rol speuld en döt dat nog, net as de pagina’s op Facebook en Instagram.
3. Deur het grote aantal speulers (zangers, tonielspeulers, muzikanten, mar ok figuranten met oldtimers en peerde en een leger aan vrijwilligers was der veul saamheurigheid met een ongekend wij-gevuul.
4. Der is in regionale dag- en weekbladen en op radio en TV roem aandacht besteed an de Vlinderprinses en in iegen beheer is der een volledige TV registratie maakt die ok uitzunden is op ZO 34. De link naor dizze TV registratie is te vinden op www.vlinderprinses.nl. Boetendes: de glossy, het foto- en verhalenboek, is een prachtig tiedsdocument worden.
5. En as leste: een belangrieke doelstelling, financieel rondkommen, is ok haald. Wij sluut of met een batig saldo dat wij reserveert veur een volgend project.
TENSLOTTE
Wij sluut een mooie periode of.
Het bestuur giet het een tiedtien kalm an doen. Tegeliek denkt bestuur en initiatiefnimmers nao over een vervolg. De Toorn van Thunaer en De Vlinderprinses hebt oes leerd dat daor tied over hen giet.
En aw wat doet dan doew het goed!
Namens het bestuur van de stichting Ter Klinke,
Gerrit Hegen
info@terklinke.nl
0653211575